想學好日文？掌握準確嘅發音係最重要嘅第一步！東大前特別為初學者同家長，準備咗呢個全新嘅「互動平假名五十音表」。圖表入面每一個平假名同生活單字，全部由我哋嘅日語導師親自錄音示範。請隨意點擊下方嘅字母，聽聽老師充滿活力、最正宗嘅日本原生發音，配合生動可愛嘅插圖，等大人小朋友都可以輕輕鬆鬆將五十音記入腦！
1) 圖片聯想：唔好死記硬背！好似我哋圖表入面，將可愛嘅「あり (螞蟻)」同「あ」字連繫起嚟。對於歲幾兩歲、處於感官發展黃金期嘅幼兒，或者剛入門嘅成人，透過視覺圖像去刺激大腦，記憶會深刻好幾倍。
2) 大聲朗讀：每點擊一次聽完老師嘅發音後，記得要即刻跟住大聲讀一次。老師錄音時特別經過微調，確保唇齒音清晰，專治香港人常見嘅港式日文口音常犯錯誤。
3) 每日挑戰：五十音有 46 個基本音，夾硬一晚背晒好容易會半途而廢。建議每日為自己或者小朋友訂立小目標，例如今日只專注挑戰「あ行」同「か行」，循序漸進。
點解香港人學日文特別快？因為每一個平假名，其實都係由中國古代嘅草書漢字演變過嚟！東大前為大家整理咗「平假名漢字由來對照表」。大家只要利用母語優勢，聯想一下原本嘅漢字形狀同讀音，就會發現記熟五十音原來易如反掌！
| 行段 (段) | あ段 (a) | い段 (i) | う段 (u) | え段 (e) | お段 (o) |
|---|---|---|---|---|---|
| あ行 | あ (安) | い (以) | う (宇) | え (衣) | お (於) |
| か行 | か (加) | き (幾) | く (久) | け (計) | こ (己) |
| さ行 | さ (左) | し (之) | す (寸) | せ (世) | そ (曾) |
| た行 | た (太) | ち (知) | つ (川) | て (天) | と (止) |
| な行 | な (奈) | に (仁) | ぬ (奴) | ね (祢) | の (乃) |
| は行 | は (波) | ひ (比) | ふ (不) | へ (部) | ほ (保) |
| ま行 | ま (末) | み (美) | む (武) | め (女) | も (毛) |
| や行 | や (也) | ゆ (由) | よ (與) | ||
| ら行 | ら (良) | り (利) | る (留) | れ (礼) | ろ (呂) |
| わ行 | わ (和) | を (遠) | |||
| ん | ん (无) |
