學日文初階，最容易搞混嘅一定係「星期一至日」嘅日文講法！同中文直接用數字（星期一、星期二）唔同，日本保留咗中國古代嘅「七曜」曆法，用太陽、月亮以及「金木水火土」五行嚟代表一星期嘅七日。究竟點樣可以死記硬背以外，輕鬆記住「何曜日」？東大前為你整理咗最齊全嘅對照表同獨家記憶口訣，幫你1分鐘極速上手！
好多同學覺得「月火水木金土日」好難記，其實只要加少少聯想，就可以過目不忘：
日、月 (星期日、一)：這個最簡單，星期日對應「太陽 (日)」，星期一對應「月亮 (Monday/Moon)」。
火 (星期二)：星期二工作最忙碌，做到「火」火地（一肚火）。
水 (星期三)：一星期過咗一半，要飲杯「水」鬆一鬆，準備迎接下半週。
木 (星期四)：準備到週末，心情好似「樹木」一樣開始開枝散葉，期待放假。
金 (星期五)：Happy Friday！星期五晚當然係出去洗錢（金）嘅黃金時間！
土 (星期六)：週末出去玩親近大自然，踩落泥「土」度放鬆身心。
學識單字，緊係要識得用！以下為你示範幾個日常最常用嘅曜日句型：
1A: 今日は何曜日ですか？ (今日係星期幾呀？)
1B: 今日は*木曜日*です。(今日係星期四。)
2: 月曜日から金曜日まで働きます。(我由星期一至星期五都要返工。)
3: 日曜日に日本語を勉強します。(我喺星期日學日文。)
| 漢字 | 平仮名 | 羅馬字 | 中国語 | 英語 |
|---|---|---|---|---|
| 何曜日 | なんようび | nanyoobi | 星期幾? | What Day? |
| 日曜日 | にちようび | nichiyoobi | 星期日 | Sunday |
| 月曜日 | げつようび | getsuyoobi | 星期一 | Monday |
| 火曜日 | かようび | kayoobi | 星期二 | Tuesday |
| 水曜日 | すいようび | suiyoobi | 星期三 | Wednesday |
| 木曜日 | もくようび | mokuyoobi | 星期四 | Thursday |
| 金曜日 | きんようび | kinyoobi | 星期五 | Friday |
| 土曜日 | どようび | doyoobi | 星期六 | Saturday |
